年度藝術盛事Art Basel噚日正式開幕,今年有248間分別來自32個國家同地區嘅藝廊參展,大家可以喺展覽中欣賞好多新晉藝術家嘅前瞻作品。Art Basel由明日開始一連三日向公眾開放,票價由300元至400元不等。
(李紹昌攝)
今次展覽亮點包括由奧地利藝術家Erwin Wurm創作嘅「一分鐘雕塑」,市民唔止可以直接觸摸件作品,只要按雕塑上嘅指示做特定動作,仲可以將自己變成藝術品一部分。左圖為「一分鐘雕塑」其中一件作品《HEAD TV》,市民可按指示將頭部塞入櫃中,充當電視。
是次Art Basel展出多個大型裝置藝術,包括包含多幅鏡子反射效果嘅裝置,市民可以有另一番藝術體驗。